![Ալեն Սիմոնյանը՝ Սանասարյանի գործի և Վանեցյանի հետ իր ընկերության մասին](https://auroranews.am/storage/img/base_image/old/d0d5b748bcd52037d15527b71697b69f.webp)
Ալեն Սիմոնյանը՝ Սանասարյանի գործի և Վանեցյանի հետ իր ընկերության մասին
![Ալեն Սիմոնյանը՝ Սանասարյանի գործի և Վանեցյանի հետ իր ընկերության մասին](https://auroranews.am/storage/img/base_image/old/d0d5b748bcd52037d15527b71697b69f.webp)
ՀՀ ԱԺ փոխնախագահ Ալեն Սիմոնյանը «Ազատություն» ռադիոկայանի ֆեյսբուքյան ասուլիսի ընթացքում անդրադարձել է ՊՎԾ նախկին պետ Դավիթ Սանասարյանի գործին:
Նա մեկնաբանել է այն շշուկները, թե իբր ինքն ԱԱԾ պետի ընկերն է և Դավիթ Սանասարյանի գործով Ալեն Սիմոնյանի «մատը խառն է».
«Արթուր Վանեցյանն իմ ընկերն է, բայց ընկերը՝ ընկերությունով, և առավել ևս պետությունը՝ պետությունով: Չի կարելի ասել, որ Հայաստանի Հանրապետությունում իրավապահներն ինչ-որ մեկի վրա գործ են սարքել: Առավել ևս, եթե դու բավականին տևական ժամանակ հանդիսացել ես ՀՀ վարչապետի վերահսկողության ղեկավարը»:
Նրա խոսքերով՝ Դավիթ Սանասարյանը հենց ինքն է իրեն դնում վատ վիճակում՝ նշելով, որ այն Հայաստանում, որի համար նա պայքարել է, որտեղ նա աշխատել և ունեցել է վերահսկողի կարգավիճակ, հնարավոր է գործ սարքել:
«ՀՀ-ում որևիցե մեկի վրա քաղաքական նկատառումներով իրավապահների կողմից գործ չի սարքվում»,- ասել է Սիմոնյանը:
ԱԺ փոխանախագահը նշել է, որ պետք է սպասել դատական գործընթացին: