ՏԵՍԱՆՅՈՒԹ. 10 մարդ է զոհվել այրվող ինքնաթիռի վայրէջքի ժամանակ

10 մարդ է զոհվել Մոսկվայի «Շերեմետևո» օդանավակայանում Superjet 100 ինքնաթիռի վթարային վայրէջքի հետևանքով, հայտնում է նորությունների «Մոսկվա» գործակալությունը՝ վկայակոչելով արտակարգ ծառայություններում աղբյուրին: «Նախնական տվյալներով՝ վթարային վայրէջքի և դրա հրդեհի հետևանքով զոհվել է 10 մարդ»,- ասել է աղբյուրը: «Аэрофлот»-ի Sukhoi Superjet 100 ինքնաթիռը պետք է Մոսկվայից թռչեր Մուրմանսկ, սակայն բորտում բռնկված հրդեհի պատճառով ետ է վերադարձել ու վայրէջք կատարել արդեն իսկ այրվելով: Օդում բռնկված հրդեհի հնարավոր պատճառներից են էլեկտրաէներգիայի անսարքությունը կամ էլ կայծակի հարվածը: