Հայաստանի ԱԻՆ-ում, այսօր՝ մայիսի 3-ին, ժամը 08:09-ին 911 ծառայությանն ահազանգ է ստացվել, որ Երեւան քաղաքի Կիեւյան փողոցի 11ա հասցեում գտնվող ընկերության մոտակայքում արտաքին լուսավորման սյունը թեքվել է, էլեկտրական լարերը պոկվել եւ կախվել են ճանապարհի երթեւեկելի հատված՝ խոչընդոտելով երթեւեկությունը. անհրաժեշտ է օգնություն: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Փրկարարներն իրականացրել են հերթապահություն՝ մինչ «Երքաղլույս» փակ բաժնետիրական ընկերության աշխատակիցների մոտենալը: