«Հյուսիս-հարավ» ծրագրի քրգործով մոտ 200 մարդ հարցաքննվել է

«Ժողովուրդ» օրաթերթը գրում է. ««Ժողովուրդ» օրաթերթի տեղեկու­թյուններով՝ նախաքննական մարմինը «Հյուսիս-հարավ ճանապարհային մի­ջանցք» ներդրումային ծրագրի մասով հարուցված քրեական գործով ահռելի մեծ թվով մարդկանց է հարցաքննել: Մասնավորապես, մեզ հասած տեղեկու­թյունների համաձայն՝ այս քրեական գործով հարցաքննվածների թիվը հասել է մոտ 200 հոգու, ընդ որում՝ ՔԿ հրավիր­վածները հարցաքննվել են տարբեր կարգավիճակներով՝ և´ որպես վկա, և´ որպես կասկածյալ: Այսքանով ամեն ինչ չի ավարտվում, ըստ մեզ հասած տեղե­կությունների՝ հարցաքննվել են այն 48 ընկերությունների աշխատակիցները, ղեկավարները, որոնք իրականացրել են «Հյուսիս-հարավ ճանապարհային մի­ջանցք» ներդրումային ծրագիրը: Քննչական կոմիտեն ավելի վաղ հայտ­նել է, որ առերևույթ չարաշահումներ են հայտնաբերվել «Հյուսիս-հարավ ճանա­պարհային միջանցք» ծրագրի կատար­ման շրջանակներում, որի հետևանքով պետությանը պատճառված վնասը, նախնական հաշվարկներով կազմում է ավելի քան 23 միլիարդ դրամ»: Մանրամասները` թերթի այսօրվա համարում: