Միհրան Պողոսյանի տունը խուզարկել է Հատուկ քննչական ծառայությունը. ԱԱԾ
Ազգային անվտանգության ծառայության աշխատակիցները միայն ապահովում են Ազգային ժողովի նախկին պատգամավոր Միհրան Պողոսյանի առանձնատան խուզարկությունների անցկացման բնականոն ընթացքը։ Այս մասին NEWS. am–ին հայտնեց ԱԱԾ մամուլի կենտրոնի պետ Սամսոն Գալստյանը։
«Միհրան Պողոսյանին առնչվող քրեական գործի շրջանակում նրա առանձնատանն ու գրասենյակում խուզարկություններն իրականացվում են Հատուկ քննչական ծառայության կողմից: ԱԱԾ–ն միայն ապահովում է խուզարկությունների անցկացման բնականոն ընթացքը»,–նշեց նա։
Ինչպես արդեն հայտնել էինքՙ իրավապահները խուզարկություն են կատարել ԱԺ նախկին պատգամավոր Միհրան Պողոսյանի առանձնատանը։ Տարել են 1 համակարգիչ և փաստաթղթեր:
