Միհրան Պողոսյանը տարբեր պատճառներով խուսափել է հարցաքննությունից. ՀՔԾ
Անձի նկատմամբ հետախուզում հայտարարվում է ոչ միայն նրա գտնվելու վայրը պարզելու, այլև նրան վարույթն իրականացնող մարմնին ներկայացնելու համար: Այս մասին NEWS. am-ի հարցին ի պատասխան հայտնեցին ՀՀ հատուկ քննչական ծառայությունից՝ պատասխանելով այն հարցին, թե արդյոք ՀՔԾ-ն հետախուզում իրականացնող մարմնին տրամադրել է Միհրան Պողոսյանի գտնվելու հասցեն:
Նշենք, որ այսօր Միհրան Պողոսյանի գրասենյակը հայտարարություն էր տարածել՝ նշելով, որ Պողոսյանը հարուցված գործի շրջանակներում, առաջին իսկ օրվանից, տրամադրել է իր գտնվելու վայրն ու հասցեն։
«Եվս մեկ անգամ վերահաստատում ենք այն՝ ք․ Մոսկվա, Մոսֆիլմովսկայա 70 շենք, 1-ին կորպուս, բն 139։
Ավելին՝ ՀՔԾ քննիչին տրամադրվել է նաև Միհրան Պողոսյանի հեռախոսահամարը»,-հայտարարել էին Միհրան Պողոսյանի գրասենյակից:
