Ապրիլի 14-ին, խոշոր ավտովթար է տեղի ունեցել Լոռու մարզում: Ժամը 22:00-ի սահմաններում Վանաձոր քաղաքի Նարեկացի փողոցում բախվել են ВАЗ 21-07 մակնիշի 34 NQ համարանիշի եւ Porche Cayenne մակնիշի 12 TS 002 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետեւանքով 1 հոգի, ով ըստ դեպքի վայրում հավաքավածների, երեխա է եղել, տեղափոխվել է Վանաձորի բժշկական կենտրոն: Փաստի առթիվ ՃՈ հետաքննիչ Ստեփան Համբարյանի կողմից նյութեր են նախապատրաստվում: Ոստիկանությունը պարզում է վարորդների եւ վիրավորի ինքնությունը: