Վաղը ուղևորափոխադրող ընկերությունները գործադուլ են անելու. Առավոտ am

Վաղը ուղևորափոխադրող ընկերությունները գործադուլ են անելու: Այս մասին «Նոյան տոպան» ակումբում հայտարարեց փոխադրողների միության նախագահ Հրանտ Եղիազարյանը։ «Երեւանի ներքաղաքային փոխադրում իրականացնող ընկերությունները ինձ երաշխավորել են անել հայտարարություն: Ասեմ՝ մենք քաղաքականությամբ չենք զբաղվել ու չենք զբաղվում, մեր քայլերը որեւէ մեկի դեմ չեն, մենք մեր շահերից ենք խոսում: Ընկերությունները նախազգուշական գործադուլ են անելու, որպեսզի ուշադրություն գրավեն 11 տարի չլուծվող իրենց խնդիրների վրա»,-ասաց Եղիազարյանը: Թե որ երթուղիները վաղը չեն աշխատի, միության նախագահը հրաժարվեց ասել, բայց նշեց՝ ե՛ւ ավտոբուսներ, ե՛ւ միկրոավտոբուսներ չեն աշխատի: Ինչպես հայտնում է Առավոտ am կայքը, Եղիազարյանի խոսքով՝ ամեն ինչ թանկացել է, ուղեվարձը մնացել է նույն 100 դրամը. «Որն այսօր «կատաստրոֆա» է առաջացնում»: Եղիազարյանի ներկայացմամբ՝ կողմ չեն գների բարձրացմանը, կառավարությունը եթե դոտացիա տան, կշարունակեն աշխատել: Ամբողջական հոդվածը կարող եք կարդալ այս հասցեով՝ aravot am