Փարիզի Աստվածամոր տաճարում բռնկված հրդեհը դեռևս մարել չի հաջողվում: Ինչպես հաղորդում են տեղի և միջազգային լրատվամիջոցներըՙ Ֆրանսիայի նախագահ Էմանուել Մակրոնը հրդեհի պատճառով չեղարկել է ժողովրդին ուղղված ուղերձը, որը նախատեսում էր հղել այսօր երեկոյան: Փարիզի քաղաքապետ Անն Իդալգոն թվիթերյան իր էջում հրդեհը սարսափելի է որակել և կոչ արել քաղաքացիներին անվտանգության նկատառումներով չանցնել հրշեջ ծառայության տեղակայած պատնեշներից այն կողմ: ԱՄՆ նախագահ Դոնալդ Թրամփը նույնպես արձագանքել է դեպքին՝ առաջարկելով հրդեհաշիջման համար «թռչող ջրցան մեքենաներ» օգտագործել և կոչ անելով արագ գործել: Նշենք, որ այս պահի դրությամբ հրդեհի պատճառը հայտնի չէ, սակայն ենթադրվում է, որ այն կարող էր առաջացած լինել տաճարի տարածքում իրականացվող շինաշխատանքներով: