Մանրամասներՙ Փարիզի Աստվածամոր տաճարում բռնկված հրդեհից
Ֆրանսիայի պետքարտուղար Լորան Նունյեսը հայտնել է, որ հրդեհի հետևանքով տուժածներ չկան:
Լոնդոնի քաղաքապետ Սադիկ Խանն իր ցավակցությունն է հայտնել պատմական կառույցի հրդեհի կապակցությամբ: «Վշտալի է տեսնել Աստվածամոր տաճարը հրդեհի մեջ: Լոնդոնը կիսում է Փարիզի վիշտը և իր աջակցությունն է հայտնում բարեկամ ժողովրդին»,- ասել է քաղաքապետը:
Դատախազությունից հայտարարել են, որ հետաքննություն է սկսվել պարզելու հրդեհի պատճառը:
Հրդեհի մասին Գերմանիայի կանցլեր Անգելա Մերկելը նկատել է, որ Եվրոպան կորցնում է իր խորհրդանիշը:
Հիշեցնենք, որ Փարիզի Աստվածամոր տաճարը երկրի զբոսաշրջային կենտրոններից մեկն է: Այն կառուցվել է 13-րդ դարում և տարեկան ընդունում տասնյակ միլիոնավոր զբոսաշրջիկների:
Նախնական վարկածով հրդեհի պատճառ են դարձել տաճարի տարածքում իրականացվող շինաշխատանքները:
