Այսօր` ապրիլի 15-ին, ավտովթար է տեղի ունեցել Երևանում։ Ժամը 08։30-ի սահմաններում BMW X6 մակնիշի 36 AC 389 համարանիշի ավտոմեքենայի վարորդը Իսակովի պողոտայում բախվել է ճանապարհի բաժանարար գոտու երկաթե արգելապատնեշին, կոտրել այն և մասամբ հայտնվել ճանապարհի երթևեկելի գոտում։ Այս մասին տեղեկանում են Shamshyan. com: Ինչպես դեպքի վայրից հայտնում է ֆոտոլրագրող Գագիկ Շամշյանը, բախման արդյունքում երկաթե արգելապատնեշի բետոնային հատվածը պոկվել և բախվել է հանդիապակաց երթևեկելի գոտիով ընթացող Opel Zafira մակնիշի 35 ZC 704 համարանիշի ավտոմեքենային։ Դեպքի վայրում հավաքվածներն ասում էին, որ 1 հոգի մարմնական վնասվածքներով տեղափոխվել է հիվանդանոց։