Վրաստանում տեղի ունեցած պայթյունից տուժածների մեջ հայեր չկան

Թբիլիսիի Դիղոմի թաղամասի շենքերից մեկում այսօր գազի արտահոսքի պատճառով տեղի ունեցած պայթյունի հետևանքով տուժել են 8 հոգի, որոնց վիճակը միջին ծանրության է։ Տուժածների թվում ՀՀ քաղաքացիներ և ազգությամբ հայեր չկան։ Այս մասին հաղորդագրություն է տարածել Վրաստանում ՀՀ դեսպանության մամուլի ծառայությունը։ Հիշեցնենք, որ Թբիլիսիի Դիղոմի թաղամասում պայթյուն է որոտացել, որի պատճառը գազասարքերի շահագործման կանոնների կոպիտ խախտումն է։