«Կարեն Դեմիրճյանի անվան Երևանի մետրոպոլիտեն» ՓԲԸ-ի մամուլի խոսնակ Տաթևիկ Խաչատրյանը հայտարարել է, որ Երևանի մետրոպոլիտենում որևէ չարաշահում, գոնե վերջին երկու տարիների ընթացքում, չի արձանագրվել: Այսպիսով, նա հերքել է մամուլի այն հրապարակումները, որոնց համաձայն ԱԱԾ մոտ երկու տասնյակ աշխատակիցներ օրերս մուտք են գործել մետրոպոլիտեն, մեծածավալ ստուգումներ իրականացրել, դռներ կնքել։ Անդրադառնալով լուրերին, որ մետրոպոլիտենը տարիներ շարունակ հայտարարագրել է մեծ վնասներ` պետությունից ստանալով հսկայական պետական դոտացիաներ, և այդ ամենը հնարավոր է դարձել նաև մետրոպոլիտենի գնումները համակարգող Անի Գսպոյանի շնորհիվ Խաչատրյանը գրել է, որ Գսպոյանը մետրոպոլիտենում աշխատում է վերջին երկու տարիների ընթացքում և չէր կարող որևէ ազդեցություն ունենալ այս կամ այն գործընթացի վրա։ Միաժամանակ խոսնակը տեղեկացրել է, որ Անի Գսպոյանի աշխատելու ժամանակահատվածում մետրոպոլիտենն աշխատել է շահույթով: