Միշտ մտածեք, որ իշխանությունը նպատակին հասնելու միջոց է․ Գալուստ Սահակյան
«Եռաբլուր» պանթեոնում, լրագրողների հետ զրույցում ԱԺ նախկին նախագահ, ՀՀԿ անդամ Գալուստ Սահակյանը հայտնել է, որ կգա ժամանակը, երբ կլինեն նոր ընտրություններ և Հանրապետականը ցույց կտա իր կարողությունները ժողովրդի առջև։
Հարցին, թե իր 20-ամյա իշխանության եղած տարիներին ՀՀԿ-ն երբևէ շեղվե՞լ է Աշոտ Նավասարդյանի գաղափարախոսությունից, Գալուստ Սահակյանը պատասխանեց. «Միշտ մտածեք, որ իշխանությունը նպատակին հասնելու միջոց է: Մեզանում կուսակցական խաղերն այնպես է զարգացել, որ մեր ժողովուրդը մտածում է, որ յուրաքանչյուր մարդ պետք է ինչ-որ մի կուսակցության անդամ լինի: Աշոտ Նավասարդյանի մոտեցումները երկրի անկախւթյան և նրա հետագա ճակատագրի համար բնական մոտեցում էր և այդ մոտեցումը նա կարողացավ մեր ժամանակների համար իրագործել և այսօր մենք անկախ Հայաստանում ենք ապրում»:
