Արցախում սպանված զինծառայող Արան 100 օրից զորացրվելու էր. News am
Մարտի 26–ին ՊԲ հյուսիսարեւելյան ուղղությամբ տեղակայված զորամասերից մեկում ծառայակցի կողմից սպանված 21-ամյա ժամկետային զինծառայող Արա Առաքելյանը Արցախից էր՝ Ասկերանի շրջանի Խնապատ համայնքից։ NEWS. am-ի տեղեկություններով՝ սպանության կասկածանքով ձերբակալված նրա ծառայակիցն էլ Հադրութից է։ Լրատվամիջոցի հետ զրույցում Խնապատի համայնքապետ Սամվել Շահրամանյանը հայտնեց, որ Արան երկու եղբայրներից կրտսեր էր և 100 օրից զորացրվելու էր։ Նա նշեց, որ Արայի հայրն արտագնա աշխատանքով էր զբաղվում և Ռուսաստանում է իմացել որդու մահվան մասին։ Հիշեցնենք, որ 2019թ. մարտի 26-ին` ժամը 18:30-ի սահմաններում N զորամասի նախկին զինավանի տարածքում, պարտադիր ժամկետային զինծառայողներ, կրտսեր սերժանտ Արա Գեորգիի Առաքելյանի՝ մահացու եւ կրտսեր սերժանտ Անդրանիկ Կոմիտասի Կոշկանյանի՝ ձախ դաստակի շրջանի հրազենային վնասվածքներ ստանալու դեպքի առթիվ երրորդ կայազորային քննչական ՀՀ քրեական օրենսգրքի 34-104-րդ հոդվածի 2-րդ մասի 1-ին կետով հարուցվել է քրեական գործ եւ կատարվում է նախաքննություն: Քրեական գործի նախաքննության ընթացքում ՀՀ քրեական օրենսգրքի 34-104-րդ (սպանության փորձ) հոդվածի 2-րդ մասի 1-ին կետով նախատեսված հանցագործություն կատարելու կասկածանքով ձերբակալվել է տուժողների ծառայակիցը։

Քաղաքականություն

Պատահարներ