Վրաստանի Թելավի շրջանի Գարաջալար գյուղում տեղի ադրբեջանցի բնակիչները բողոքի ակցիա են անցկացրել: Minval.az-ը գրում է, որ ցույցն անցկացվել է արոտավայրերը մասնավոր անձանց վաճառելու դեմ: Ցուցարարները հայտարարել են, որ իրենց եկամտի միակ աղբյուրն ընտանի կենդանիներն են, իսկ դրանց արոտավայրի համար այլընտրանքային դաշտեր չկան: Նրանց խոսքով՝ մինչև նախագահական ընտրությունները հաղորդվել էր, որ Գարաջալար գյուղին 16 հա արոտավայր կտրամադրվի, սակայն ավելի ուշ այդ հողատարածքները մասնավոր անձանց են վաճառվել: Բողոքի ակցիան շարունակվել է մինչև երեկոյան ժամեր: Մասնակիցները հայտարարել են, որ եթե խնդիրը չլուծվի, նրանք կշարունակեն ցույցերը: