«Ես Politik. am կայքի գլխավոր խմբագիր Բորիս Մուրազիին զանգել եմ՝ հարցնելու համար, թե ինչու է չճշտված տեղեկություն հրապարակել»։ Այս մասին ասյօր՝ լրագրողների հետ զրույցում ասաց ՀՀ ոստիկանապետ Վալերի Օսիպյանը։ «Այդ մասին ոստիկանությունը հաղորդում է տարածել, ես ինքս հրավիրել եմ իրեն, զրուցել եմ հետը, ինքը կարծեմ իր ֆեյսբուքյան էջում գրել է, որ ոստիկանապետից որեւէ սպառնալիք չի ստացել»,- նշեց նա։ Օսիպյանը շեշտեց՝ ինքը շատ լրագրողների է զանգում, շատ լրագրողներ էլ իրեն են զանգում։ Նա պնդեց, որ սպառնալից տոնով չի խոսել Բորիս Մուրազիի հետ, ընդամենը հարցրել է, թե ինչու է չճշտված տեղեկություն հրապարակել։ «Ես պաշտոնապես հայտարարում եմ, Նարեկ Սարգսյանը ինձ չի զանգահարել, եթե դա ապացուցվի, ես պատրաստ եմ հրաժարվել իմ պաշտոնից»,–եզրափակեց նա։ Ինչ վերաբերում է Ալեքսանդր Սարգսյանի որդուն՝ Նարեկ Սարգսյանին Պրահայից արտահանձնելու գործընթացում ոստիկանությունն իր գործը կատարել է։ «Մնացածը մեր դաշտում չէ»,–նշեց նա։ Հարցին, թե որ դաշտում է, նա հրաժարվեց պատասխանել։ Տեսանյութը` News. am-ի: