Վարչապետը առավոտյան զանգահարել է Գյումրու քաղաքապետին․ մանրամասաներ

Գյումրու քաղաքապետ Սամվել Բալասանյանը այսօր առավոտյան զանգ է ստացել ՀՀ վարչապետ Նիկոլ Փաշինյանից։ Այս մասին այսօր լրագրողների հետ զրույցում պատմեց քաղաքապետը։ Հիշեցնենք՝ երեկ ՀՀ վարչապետ Նիկոլ Փաշինյանի հրավիրած ասուլիսի ժամանակ լրագրողներից մեկը հետաքրքրվեց Գյումրիում փողոցաշինության ու անօթևանության հանձնաժողովի աշխատանքի վերաբերյալ: Վարչապետն էլ խոստացավ կապնվել Գյումրու քաղաքապետի հետ։ Սամվել Բալասանյանը նշեց՝ վարչապետին ներկայացրել է իրավիճակը. «Փողոցաշինական աշխատանքները մեկնարկել են: Բնական է` շինարարության ժամանակ կլինեն անհանգստություններ, բայց դա ժամանակավոր է»։