Ղազախստանի նորանշանակ նախագահ Քասիմ Ժոմարտ Տոկաևն ի պատիվ երկրի առաջին նախագահ Նուրսուլթան Նազարբաևի առաջարկել է մայրաքաղաք Աստանան անվանակոչել նրա անվամբ։ Ինչպես հայտնում է tengrinews. kz-ը՝ Տոկաևը նշել է․«Հարկավոր է մեր մեծ ժամանակակցի՝ Ղազախստանի առաջին նախագահ Նուրսուլթան Աբիշևիչ Նազարբաևի անունն անմահացնել հետևյալ կերպ` մեր մայրաքաղաքը պետք է կրի մեր նախագահի անունն ու կոչվի Նուրսուլթան»: Հիշեցնենք՝ ավելի վաղ հայտնել էինք հետխորհրդային տարածք հանդիսացող Ղազախստանի ամենաերկարակյաց ղեկավարի հրաժարականի մասին։ Այսօր արդեն Ղազախստանի խորհրդարանի վերին պալատի խոսնակ, 65-ամյա Կասիմ-Ժոմարտ Տոկաևը հանդիսավոր երդմամբ ստանձնեց երկրի նախագահի պաշտոնակատարի լիազորությունները։