Վարչապետ Նիկոլ Փաշինյանը չնախատեսված այցով ՀՀ գյուղերից մեկում է
Վարչապետ Նիկոլ Փաշինյանն ուղիղ հեռարձակմամբ տեղեկացրեց, որ անակնկալ, առանց ազդարման ու նախապատրաստման մեկնում է մարզերից մեկի գյուղերից մեկը։ Նպատակը, ըստ Փաշինյանի, մարդկանց հոգսերի, մտահոգությունների հետ ծանոթանալն է։ Փաշինյանն ասաց, որ որոշել է կոնկրետ գյուղը, բայց չի հայտնում դրա անունը, որ ավելորդ աժիոտաժ չսկսվի։ Նրա խոսքով՝ եթե այս փորձը հաջողվի, սա պարբերական բնույթ կստանա, կայցելի տարբեր գյուղեր:
