Լարված լիրավիճակ Օպերայի տարածքում․ ապամոնտաժում են սրճարանները
Երևանի քաղաքապետարանը սկսել է ապամոնտաժել Օպերայի հարակից տարածքում գործող սրճարանները։ Բավականին լարված վիճակ է տեղում, աշխատակիցներն իրենց բողոքն են բարձրաձայնում, ձայնն են բարձրացնում՝ նշելով, որ դրա հետևանքով կզրկվեն աշխատանքից։
Տարածքում մեծ թվով ոստիկաններ կան։ Այնտեղ է նաեւ Կենտրոն վարչական շրջանի ղեկավար Վիկտոր Մնացականյանը։
Նշենք, որ Օպերայի մերձակայքում՝ անմիջապես Ազատության հրապարակին հարող հատվածում, քաղաքի սեփականությունը հանդիսացող հողամասերը վարձակալած և սրճարանային բիզնես ծավալած տնտեսվարողները քաղաքապետարանի համապատասխան ստորաբաժանումից տարվա սկզբին ծանուցում էին ստացել, որով առաջարկվում էր նրանց հրաժարվել վարձակալության իրավունքով տրամադրված հողամասերի մի մասից:
