Ջրծաղիկի բռնկում Կապանում որոշ դասարաններ դպրոց չեն հաճախում․ Արմդեյլի

Կապանի թիվ 10 միջնակարգ դպրոցում ջրծաղիկի պատճառով դասապրոցեսը դադարեցվել է, հայտնում է Armdaily.am-ը՝ նշելով, որ դպրոցի հետ կապ հաստատել չի հաջողվել: Սյունիզի մարզպետարանի Կրթության, մշակույթի և սպորտի վարչության պետ Մերի Գանդալյանը Armdaily.am-ի հետ զրույցում նշեց, որ այս պահին 10-րդ միջնակարգ դպրոցում դասերն ընթանում են.«Չեն եկել դասի այն դասարանները, որտեղ ջրծաղիկով հիվանդ երեխաներ կան»: Գանդալյանը հավելեց, որ սանէպիդկայանը, դպրոցի և տեղամասային հիվանդանոցի բուժքույրերն այժմ աշխատանքներ են իրականացնում դպրոցում.«Մեր դպրոցի արձակուրդներն էլ կսկսվեն երկուշաբթի օրվանից՝ կապված ջրծաղիկի տարածումից»,-եզրափակեց վարչության պետը: