ՏԵՍԱՆՅՈՒԹ․ Մարդ պիտի ուղեղ ունենա, որ հարցը տա. Ծառուկյանը մաքուր ա․ ԲՀԿ առաջնորդը՝ Մարտի 1-ի մասին
«Բարգավաճ Հայաստան» կուսակցության անդամները կուսակցության նախագահ Գագիկ Ծառուկյանի գլխավորությամբ քայլերթով այցելեցին Մյասնիկյանի արձանի տարածք, ծաղիկներ դրեցին Մարտի 1-ի զոհերի հիշատակին։
Գագիկ Ծառուկյանը լրագրողների հետ զրույցում նշեց, որ Մարտի 1-ի դեպքերը ցավ են ողջ ժողովրդի համար:
Հարցին` մասնակցելո՞ւ են այսօր իշխանության կազմակերպած երթին, Ծառուկյանը պատասխանեց. «Տեսնենք, եթե հարմար լինի, կարող է մասնակցենք, բայց հիմա մենք եկել ենք հարգանքի տուրք մատուցելու, ոնց որ միշտ ենք արել»:
Ծառուկյանը նշեց, որ ինքը մարտի 1-ի դեպքերի առնչությամբ չի հարցաքննվել: «Ինչո՞ւ
պետք է հարցաքննվեմ, ես այդ դեպքի հետ բացարձակ կապ չունեմ, 100 անգամ բացատրել եմ դա: Ծառուկյանը մաքուր է»,- ասաց նա:
