Կրակոցներ Ռուսաստանի դպրոցներից մեկում․ տուժած կա
ՌԴ Նիժնի Նովգորոդ քաղաքի թիվ 121 դպրոցի մոտակայքում կրակոցներ են հնչել։ Տուժած կա, հայտնում են ռուսական թելեգրամ-ալիքները։
Ուսուցիչներից մի քանիսը հաղորդում են, որ 3 պատանիներ տրավմատիկ զենքով դպրոց են վազել։ Հնարավոր է՝ ուսուցիչները շփոթված լինեն և պատանիները ոչ թե զինված լինեն, այլ տուժած։
Նշվում է, որ կրակոցները հնչել են պնևմատիկ զենքից։ Հրաձիգները կամ հրաձիգը փախուստի է դիմել սև ջիփով։ Այժմ իրավապահները հատուկ օպերացիա են իրականացնում։ Միակ վիրավորը հոսպիտալացումից հրաժարվել է։
Ռուսական թելեգրամ ալիքներից մեկը նշում է, որ դասի ժամանակ , երբ հնչել են կրակոցները, ուսուցիչներից մեկը երեխաներին ստիպված է եղել բացատրել տեղի ունեցածը։ Սակայն ընտրել է բավական ինքնատիպ տարբերակ։
«Սա քաղաքացիական պաշտպանության բաց դաս է»,- մեկնաբանել է ուսուցիչը։
Նշվում է, որ այսօր իրապես քաղաքացիական պաշտպանության համաշխարհային օրն է։
