![Թալանել են Սուրբ Կաթողիկե եկեղեցին. մանրամասներ](https://auroranews.am/storage/img/base_image/old/ae3daa89bab3595c251c1682381f2580.webp)
Թալանել են Սուրբ Կաթողիկե եկեղեցին. մանրամասներ
![Թալանել են Սուրբ Կաթողիկե եկեղեցին. մանրամասներ](https://auroranews.am/storage/img/base_image/old/ae3daa89bab3595c251c1682381f2580.webp)
Ոստիկանության Հրազդանի բաժնի հետաքննչական բաժանմունքում նյութեր են նախապատրաստվում փետրվարի 26-ին Ծաղկաձոր քաղաքում գործող Կեչառիսի վանքից կատարված գողության փաստով։
Shamshyan.com-ի փոխանցմամբ, ժամը 18։30-ի սահմաններում ոստիկանության Ծաղկաձորի բաժին է դիմել Հրազդան քաղաքի բնակիչ՝ 58-ամյա Հարություն Հարությունյանը և հայտնել, որ նույն օրը, ժամը 16։30-ից մինչև 17:30-ն ընկած ժամանակահատվածում անհայտ անձը կամ անձինք Կեչառիսի վանքի գանձարկղից գումար են գողացել։
Դեպքի վայր են ժամանել ոստիկանության Հրազդանի բաժնի, ոստիկանության Ծաղկաձորի բաժամունքի ոստիկանները։
Պարզվել է, որ գողությունը կատարվել է ոչ թե Հ. Հարությունյանի մատնանշած Կեչառիսի վանքից, այլ նույն վայրում գտնվող Սուրբ Կաթողիկե եկեղեցուց, որի դուռը բաց է եղել: