Ողբերգական ավտովթար Արմավիրի մարզում. 1 զոհ, 1 վիրավոր
Երեկ՝ փետրվարի 24-ին, խոշոր ու ողբերգական ավտովթար է տեղի ունեցել Արմավիրի մարզում։ Ժամը 21։30-ի սահմաններում Գեղարքունիքի մարզի Արծվանիստ գյուղի բնակիչ՝ 27-ամյա Եղիշե Աղաբեկյանը Երևան-Արմավիր ավտոճանապարհից դեպի Արմավիրի մարզի Առատաշնե գյուղ տանող ճանապարհի 2-րդ կմ հատվածում իր վարած BMW մակնիշի 75 FQ 075 համարանիշի ավտոմեքենայով դուրս է եկել ճանապարհի երթևեկելի գոտուց, բախվել առվակի համար նախատեսված բետոնե սյանը, մի քանի պտույտ գլխիվայր շրրվոլով՝ կողաշրջված վիճակում հայտնվել դաշտում։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Ե. Ազաբեկյանը տեղում մահացել է, իսկ ուղևոր՝ վարորդի համագյուղացի, 27-ամյա Բեգլար Բազոյանը մարմնական վնասվածքներով տեղափոխվել է Վաղարշապատի բժշկական կենտրոն։ Փաստի առթիվ հարուցվել է քրեական գործ՝ ՀՀ քր. օր-ի 242 հոդվածի 2-րդ մասի հատկանիշներով։ Քննիչի հաձնարարականով ավտոմեքենան քարշակի միջոցով տեղափոխվել է ոստիկանության Վաղարշապատի բաժնի հատուկ պահպանվող տարածք։
