Բանգլադեշում փորձել են 142 ուղևոր տեղափոխող ինքնաթիռ առևանգել

Բանգլադեշից Դուբայ թռչող ինքնաթիռը ստիպված է եղել արտակարգ վայրէջք կատարել օդանավում ստեղծված իրավիճակի պատճառով, գրում է РИА Новости-նՙ հավելելով, որ անհայտ անձը փորձել է զենքի ուժով առևանգել այն: Խոսքը Biman Bangladesh ավիաընկերության ինքնաթիռի մասին է:Ըստ ոստիկանության ներկայացրած տվյալների՝ ինքնաթիռը վայրէջք է կատարել տեղական ժամանակով ժամը 17.15-ին: Այնուհետեւ կարճ ժամանակ անց բոլոր 142 ուղեւորները լքել են օդանավը: Բանակայիններն ու ոստիկանությունը, որոնք շրջապատել էին օդանավը, ձերբակալել են կասկածյալին: Ներկա պահին նրան հարցաքննում են, սակայն նրա շարժառիթները դեռևս պարզ չեն: