Վրաստանի պաշտպանության նախարարը կժամանի Երևան
Վրաստանի պաշտպանության նախարար Լևան Իզորիան փետրվարի 21-ին պաշտոնական մեկօրյա այցով կժամանի Երևան: Այս մասին հայտնում է Новости-Грузия-ն՝ հղում կատարելով գերատեսչության ներկայացուցիչ Նինո Թոլորդավային:
«Կստորագրվի Վրաստանի և Հայաստանի պաշտպանության նախարարությունների միջև երկկողմ համագործակցության ամենամյա ծրագիրը, որը ենթադրում է բարձր մակարդակով երկկողմ ռազմավարական այցելություններ և համագործակցություն կրթության ու բժշկության ոլորտներում»,- հայտնել է Թոլորդավան:
Վրաստանի և Հայաստանի պաշտպանական գերատեսչությունների ղեկավարների վերջին հանդիպումը տեղի է ունեցել Թբիլիսիում 2016 թ.-ին: Այդ ժամանակ ՀՀ պաշտպանության նախարարը Վիգեն Սարգսյանն էր: Այդ ժամանակ նույնպես նախարարները ստորագրեցին համագործակցության ամենամյա ծրագիրը:
