ՀՀ 24 համայնքներում ընտրություններ են
Այսօր առավոտյան ժամը 08,00-ից ՀՀ 24 համայնքներում բացվել են ը տրական տեղամասերը, քանի որ 20 բնակավայրերի բնակիչներն այսօր ընտրելու են իրենց համայնքների ղեկավարներին, իսկ 4-ինըՙ ավագանւ անդամների:
Arnvote թելեգրամ ալիքը տեղեկացնում է, որ 24 համայնքից 14-ում ընտրությունները հերթական են, իսկ 10-ում՝ արտահերթ:
Ուրցաձոր, Մալիշկա եւ Աշոցք համայնքներում բողոքի ցույցերից հետո հարկադրաբար հրաժարական ներկայացրած համայնքապետերը կրկին առաջադրել են իրենց թեկնածությունները։ Սպասվում է, որ ընտրություններն ավելի թեժ են լինելու հենց այս համայնքներում։
Ուրցաձոր համայնքում առաջադրվել է 7 թեկնածու, որից 2-ն ինքնաբացարկ է ներկայացրել։
Մալիշկա համայնքում առաջադրվել է 5 թեկնածու, որից 3-ն ինքնաբացարկ է ներկայացրել։
Աշոցք համայնքում առաջադրվել է 7 թեկնածու։
