Չենք մեկնաբանում բամբասանքները․ ՊՎԾ խոսնակը՝ Սանասարյանի Կարապետյաններից մեքենա նվեր ստանալու մասին
Քիչ առաջ Irakanum am-ը տեղեկություն էր տարածել այն մասին, թե Պետական վերահսկողական ծառայության ղեկավար Դավիթ Սանասարյանը ճոխ նվեր է ստացել «Տաշիր» գրուպի սեփականատեր Կարապետյաններից։ Նշենք, որ խոսքը գնում է թանկարժեք մեքենայի մասին, ինչ էլ ըստ լրատվամիջոցի՝ Սանասարյանը նվեր է ստացել, որպեսզի «մեղմացնի» ստուգումները ԲԷՑ-ում։
AuroraNews-ը կապ հաստատեց ՊՎԾ մամլո խոսնակ Զարուհի Մեջլումյանի հետ, պարզելու համար տեղեկատվության իսկությունը։
Մեզ հետ զրույցում տիկին Մեջլումյանը նշեց․ «Չենք մեկնաբանում բամբասանքները»։
Հիշեցնենք, որ ՊՎԾ-ն ամռանը ստուգումներ էր իրականացրել Բարձրավոլտ էլեկտրական ցանցեր ընկերությունում: Ստուգումների արդյունքում Սանասարյանը հայտարարեց, որ պետբյուջե կվերադարձվի 140 մլն դրամ:
