ՏԵՍԱՆՅՈՒԹ․ Պետական պաշտոնյա դարձած ակտիվիստը մտածում է, թե պետք է գործի ինչպես նախկինում ․ վարչապետ

Պետական պաշտոնյա դարձած երբեմնի ակտիվիստը մտածում է, թե պետք է գործի ինչպես նախկինում է եղել: Դա էլ բարդույթ է՝ «որ չմտածեք հանկարծ ես իշխանության ներկայացուցիչ եմ և դադարել են ընդդիմադիր լինել: Ես ճիշտ է իշխող ուժի անդամ եմ, բայց ով աչքիս դիմաց գալիս է, քլնգում եմ, սնայպերը հանում, ճակատին խփում, փռում եմ գետնին»: Այդ պաշտոնյաներին թվում է, թե ինչպես նախկինում իր գործունեության ոլորտը Ֆեյսբուքի էջն է, հիմա էլ մնում է Ֆեյսբուքի էջը: Եվ իրեն թվում է, թե կարող է Ֆեյսբուքում սուր ստատուս գրել և գնալ ստուգել ինչ-որ մի կազմակերպություն, իսկ այդ ստուգումները դատական գործի հիմք դառնան՝ ասեն, որ մինչև ստուգումը որոշել եք էս պետք է նստի, էս մեկն ազատության մեջ մնա: