Արտակարգ դեպք. տղամարդը «հրազենային վիրավորում»-ով հիվանդանոցում է. կասկածյալը դպրոցի զինղեկն է
Արտակարգ դեպք է տեղի ունեցել Շիրակի մարզում:
Երեկ ժամը 22-ի սահմաններում Գյումրի բժշկական կենտրոն է տեղափոխվել հրազենային վիրավորում ստացած մի քաղաքացի: Բժշկական կենտրոն են մեկնել ոստիկանության աշխատակիցները: Վարջիններս պարզել են, որ վիրավորն Արագածոտնի մարզի Նորաշեն գյուղի բնակիչ, 40-ամյա Տարոն Քերոփյանն է:
Ոստիկանները պարզել են նաև, որ վերջինս նշված վնասվածքը ստացել է իր տանն՝ Արշալույս Խաչատրյանի կողմից պատահաբար ձեռքը երկփողանի որսորդական հրացանի ձգանին կպչելու և կրակելու հետևանքով: Խաչատրյանը բերման է ենթարկվել ոստիկանություն: Հայտնաբերել և առգրավել են ՙՏՈԶ 63՚ տիպի 16 տրամաչափի երկփողանի ողորկափող որսորդական հրացանը:
shamshyan com-ի տեղեկություններով՝ Խաչատրյանը վիրավորի հորաքրոջ որդին է և աշխատում է Շիրակի մարզի Արևշատ գյուղի դպրոցում՝ որպես զինղեկ:
