Բելգիայում «հոլիվուդյան սցենարով» բանկ են թալանել․ վրացի է ձերբակալվել
Բելգիայի ոստիկանությունը վրացական ծագումով 27-ամյա տղամարդու է ձերբակալել: Այս մասին հաղորդում է РИА Новости-ն՝ հղում կատարելով ոստիկանության քաղաքային կոմիսարիատին: Վրացի երիտասարդը կասկածվում է փետրվարի 2-ին աշխարհում ալմաստի վաճառքի ամենախոշոր կենտրոն հանդիսացող Անտվերպենի BNP Paribas Fortis բանկի մասնաճյուղում կողոպուտ իրականացնելու համար: Գործակալության զրուցակիցը հայտնել է, որ տղամարդը գործել է «հոլիվուդյան սցենարով»: Ամեն ինչ այնքան աննկատ է արվել, որ ո՛չ պահակները, ո՛չ տեղի բնակիչները ոչինչ չեն կասկածել: Տեղի լրատվամիջոցների փոխանցմամբ՝ նա և իր հանցակիցներն իրենց հետ վերցրել են բանկում պահվող մոտ 1000 տուփերից 20-30-ը, որոնց մեջ, ամենայն հավանականությամբ, ադամանդ և թանկարժեք զարդեր են եղել:

Քաղաքականություն

Պատահարներ