Այսօր՝ փետրվարի 3-ին, ճանապարհի մերկասառույցի պատճառով հերթական խոշոր ու շղթայական ավտովթարն է տեղի ունեցել Երևանում: Ինչպես հայտնում է ֆոտոլրագրող Գագիկ Շամշյանը, ժամը 02:00-ի սահմաններում Սարալանջից դեպի Ավետիսյան փողոց տանող ճանապարհահատվածում բախվել են մեկ տասնյակից ավելի ավտոմեքենաներ: Բախման հետևանքով 2 հոգի մարմնական վնասվածքներով տեղափոխվել են հիվանդանոցներ: Կայքը հայտնում է, որ նշված վայրում բախվել էին 17-ից ավելի ավտոմեքենաներ, որոնց մի մասը, չսպասելով ԱՊՊԱ ներկայացուցիչներին, իրենց ավտոմեքենաները տարել էին դեպքի վարից: Վթարի պատճառը եղել է ճանապարհի մերկասառույցը, վարորդները վթարի մեջ մեղադրում էին Երևանի քաղաքապետարանի ու վարչական շրջանի պատասխանատուներին: Լուսանկարները՝ Գագիկ Շամշյանի