«Լուսավոր Հայաստան» կուսակցության ղեկավար Էդմոն Մարուքյանին զվարճալի նվեր են մատուցել, որը Մարուքյանը լուսանկարել և հրապարակել է ֆեյսբուքյան իր էջում։ «Եկա գրասենյակ, ասացին` անակնկալ նվեր ունեմ»,– լուսանկարին կից գրել է նա։ Նշենք, որ հրապարակման մեկնաբանություններում մարդիկ խորհուրդ են տվել Մարուքյանին՝ բաժակով միայն կլասիկ թեյ խմել։ Հիշեցնենք, որ բաժակին գրված արտահայտությունը շրջանառվեց ԱԺ ընտրությունից առաջ, երբ քաղաքական ուժերի նախընտրական ցուցակների առաջին համարները բանավիճելու նպատակով հավաքվեցին Հանրային հեռուստատեսությունում ։ Մարուքյանի և ԲՀԿ առաջնորդ Գագիկ Ծառուկյանի բանավեճի ժամանակ պատգամավորն ասաց, որ ինքը կլասիկ պատգամավոր է, իսկ Ծառուկյանն էլ ավելացրեց. «Ես քո կլասիկ ցավը տանեմ»։