ՀՀ ԱԺ նախկին պատգամավոր Մանվել Գրիգորյանի համար քիչ առաջ շտապօգնություն է հրավիրվել դատարան: Այս մասին հայտնում է Armtimes.com-ը։ Ինչպես հայտնում է լրատվամիջոցը՝ այս պահին Երեւան քաղաքի ընդհանուր իրավասության դատարանում քննվում է նրա կալանքը երկարաձգելու նախաքննական մարմնի միջնորդությունը: Գրիգորյանի պաշտպան Արսեն Մկրտչյանն ասել է, որ իր կարծիքով՝ Գրիգորյանը պատշաճ բուժօգնություն չստացավ, նա, սակայն, չմանրամասնեց, թե մասնավորապես ինչ խնդիրներից է գանգատվում Գրիգորյանը: Պաշտպանն ասել է, որ նիստը մեկ ժամով ընդմիջվել է. նիստը կանցկացվի դռնփակ: Գրիգորյանի կինը՝ Նազիկ Ամիրյանը, որ գտնվում էր դատարանի բակում, հրաժարվեց պատասխանել մեր հարցերին: Գրիգորյանը, հիշեցնենք, մեղադրվում է ապօրինի զենք-զինամթերք ձեռք բերելու եւ պահելու, ինչպես նաեւ խոշոր չափով գույք հափշտակելու մեջ: