Տղա ջան, ես խղճում եմ քեզ․ Շահնազարյանը՝ «կեցցե՜ Նիկոլը» վանկարկող երիտասարդին
Այսօր, ԱԱԾ նախկին տնօրեն, ՀՀԿ ցուցակով պատգամավորի թեկնածու Դավիթ Շահնազարյանը լրագրողների հետ զրույցում անդրադարձել է ԱԱԾ տնօրեն Արթուր Վանեցյանի հայտարարությանը, թե «հիմք չկա Դավիթ Շահնազարյանին ԱԱԾ բերման ենթարկելու»։
«Պարոն Վանեցյանը որտեղի՞ց գիտի հիմք ունեն, թե չունեն, ինքը չի որոշում, Նիկոլ Փաշինյանն է որոշում, ուրիշ բան, որ դեռևս իրեն տեղյակ չի պահել», - ասաց նա։ Նրա խոսքով՝ ԱԱԾ-ն շատ օպերտիվ է կատարում վարչապետի հրահանգները։
Հարցուպատասխանին միջամտել է քաղաքացիներից մեկը՝ բացականչելով՝ «կեցցե՜ Նիկոլը»։
«Էդ որ ասում եք «կեցցե՜ Նիկոլը», երկու ց-ով ասեք, մեկ ց-ով չի կարելի», - ասաց Դ. Շահնազարյանը՝ հավելելով․ «Տղա ջան, ես խղճում եմ քեզ»։
