«Երևում է, որ մարդիկ ավելի ինքնուրույն են գալիս քվեարկելու»,- այս մասին ասել է «Իրազեկ քաղաքացիների միավորում» խորհրդատվական հասարակական կազմակերպության ծրագրերի համակարգող Դանիել Իոաննիսյանը։ Նրա խոսքով՝ այս պահի դրությամբ ամենաթեժ իրավիճակը Արարատի մարզում է` Արտաշատ քաղաքում` 12/2, 12/4, 12/10 ընտրատեղամասերում, որտեղ համատարած ոտնահարվում է քվեարկության գաղտնիությունը, համատարած կուտակումներ են: «Ընտրատեղամասերից դուրս, եղել են, ահազանգեր ենք ստացել ընտրակաշառքների մասին, այդ ահազանգերը միանգամից փոխանցվել են Ոստիկանությանը»,- ասաց Իոաննիսյանը: Նրա փոխանցմամբ՝ դեպքեր են եղել ընտրողներին տանել-բերելու, բայց ոչ համատարած բնույթի, ինչպես անցած ընտրություններին։