Հուշագիրը հիմնված չէր վստահության վրա․ Իրանի դեսպանատան հայտարարությունը

Իրանի և ԱՄՆ-ի միջև փոխըմբռնման հուշագիրն ի սկզբանե հիմնված չէր վստահության, այլ ավելի շատ հիշեցնում էր  «պարտավորություն՝ պարտավորության դիմաց» սկզբունքը։ Այս մասին ՏԱՍՍ-ին հայտնել են Մոսկվայում Իրանի դեսպանատնից։

«Իրանը վճռականորեն կպաշտպանի իր ազգային շահերն ու ինքնիշխանությունը։ Իրանի և ԱՄՆ-ի միջև փոխըմբռնման հուշագիրն ի սկզբանե կառուցված էր ոչ թե վստահության, այլ «պարտավորություն՝ պարտավորության դիմաց» հստակ մեխանիզմի վրա, քանի որ հակառակ կողմի գործողություններում բարեխղճության որևէ նշան չէր նկատվում», - նշել են դեսպանատնից։

Հիշեցնենք, որ ավելի վաղ Իրանն ու ԱՄՆ-ն ստորագրել էին փոխըմբռնման հուշագիր, սակայն երեկ երկու կողմերն էլ հայտարարեցին, որ այն այլևս ուժի մեջ չէ։