Ես Լենինի մակարդակի կոմունիստ կլինեի. Թրամփ

ԱՄՆ նախագահ Դոնալդ Թրամփը հայտարարել է, որ եթե իր նպատակը կոմունիզմը որպես գաղափար «վաճառելը» լիներ, ինքը պատմության ամենահաջողակ կոմունիստներից մեկը կլիներ։

«Եթե կոմունիզմը պետք լիներ վաճառել, ես կլինեի պատմության ամենամեծ կոմունիստը։ Ես կլինեի Լենինի հետ նույն մակարդակում։ Ես ոչ մեկից վատը չէի լինի»,- ասել է Թրամփը ՆԱՏՕ-ի Անկարայի գագաթնաժողովի ավարտին կայացած մամուլի ասուլիսի ընթացքում, այս մասին հայտնում է Reuters-ը:

Միաժամանակ նա ընդգծել է, որ իրականում կոմունիզմը համարում է վտանգավոր գաղափարախոսություն։

«Կոմունիզմը աղետ է։ Դա ապացուցվել է պատմության ընթացքում՝ տարբեր անվանումներով, բայց նույն էությամբ։ Երբ ասում են՝ «սոցիալ-դեմոկրատներ», դա հաճելի է հնչում, բայց իրականում շատ վտանգավոր եզրույթ է»,- նշել է ԱՄՆ նախագահը։