Իրականում այնտեղ ոչ ոք չի մտածում Հայաստանի մասին. Զախարովա

ԱՄՆ-ը չի մտածում Հայաստանի շահերի մասին՝ Երևանի հետ համաձայնագրեր ստորագրելիս, «ՌԻԱ Նովոստի»-ին տված հարցազրույցում Միջազգային տնտեսական համաժողովում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ 

Հայաստանն ու ԱՄՆ-ը մայիսի վերջին ստորագրել են երկրների միջև համապարփակ ռազմավարական գործընկերության կանոնադրությունը։ Կողմերը նաև պայմանագրեր են կնքել հազվագյուտ հողային միներալների մատակարարման, արդյունահանման և վերամշակման ապահովման վերաբերյալ, ինչպես նաև շրջանակային համաձայնագիր՝ «Թրամփի ուղին հանուն միջազգային բարգավաճման» նախագծի շրջանակներում ռազմավարական համագործակցության մասին։

«Իրականում այնտեղ ոչ ոք չի մտածում Հայաստանի մասին՝ նրա սեփական շահերի համատեքստում։ Միշտ մտածում են Ամերիկայի Միացյալ Նահանգների շահերի մասին», - գործակալության հետ զրույցում ասել է Զախարովան։