ՊՍԺ-ն կրկին Չեմպիոնների լիգայի գավաթակիր է

Չեմպիոնների լիգայի հաղթող է դարձել ՊՍԺ-ն․ եզրափակիչի ելքը վճռվել է հետխաղյա 11-մետրանոցներով:

Փարիզի «Պարի Սեն-Ժերմենը» (ՊՍԺ) երկրորդ տարին անընդմեջ դարձել է Եվրոպայի ամենահեղինակավոր ակումբային ֆուտբոլային մրցաշարի՝ Չեմպիոնների լիգայի հաղթողը։

Բուդապեշտում կայացած եզրափակիչում ֆրանսիական ակումբը հաղթել է Լոնդոնի «Արսենալին»։

Հանդիպման հիմնական ժամանակն ավարտվել է 1:1 հաշվով, և հաղթողին որոշելու համար նշանակվել է հետխաղյա 11-մետրանոց հարվածաշար։

Այսպիսով, «Արսենալին» չի հաջողվել պատմության մեջ առաջին անգամ նվաճել Չեմպիոնների լիգայի գավաթը և այն համատեղել Անգլիայի Պրեմիեր լիգայի չեմպիոնի տիտղոսի հետ, որը լոնդոնյան ակումբը նվաճել էր այս տարի՝ 22 տարվա դադարից հետո։