14:00 Լուրերը մեկ տողով. Կրեմլը սպառնում է զրկել Հայաստանին արտոնություններից, կալանավորումներ ընտրակաշառքի գործով

Անցած ժամվա լուրերը՝ հակիրճ և բովանդակային.

• Հայաստանում ընտրակաշառք տալու և ստանալու գործով ձերբակալվել է 10 անձ, որոնցից չորսի նկատմամբ կիրառվել է կալանք:

• Կրեմլն անդրադարձել է Երևանի որդեգրած եվրոպական ինտեգրման կուրսին և հայտարարել, որ Հայաստանի համար գազի արտոնյալ գինը կարող է վերանայվել:

• Հայաստանը աշխատանքային մակարդակով կմասնակցի Աստանայում կայանալիք ԵԱՏՄ գագաթնաժողովին:

• Ռուսաստանի Պետդումայում առաջարկել են զրկել Հայաստանին գազային և մաքսային արտոնություններից, սահմանափակել կոնյակի ներմուծումը և աուդիտի ենթարկել միջպետական պարտքը:

• Հնդկաստանը մտադիր չէ դադարեցնել ռուսական սպառազինությունների ներմուծումը և ծրագրում է տեղայնացնել ռազմական կործանիչների արտադրությունը:

• Բաքվի և Թբիլիսիի միջև երկաթուղային հաղորդակցության վերականգնումը Վրաստանի զբոսաշրջության ոլորտին հարյուրավոր միլիոն դոլարների լրացուցիչ եկամուտ կբերի:

• ԱՄՆ-ում մշակվում է ծրագիր, որով անօրինական ներգաղթի դեմ պայքարում դաշնային իշխանությունների հետ չհամագործակցող քաղաքների օդանավակայաններին կարգելվի սպասարկել միջազգային չվերթեր: