Փուչ հեղինակություն վաստակել. Մեդվեդևի կոշտ հայտարարությունը Փաշինյանի մասին

 Հայաստանի վարչապետ Նիկոլ Փաշինյանը կուրս է վերցրել դեպի Ռուսաստանի հետ հարաբերությունների խզում, դա պետք է ուղղակիորեն խոստովանել, հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը՝ պատասխանելով ՌԻԱ Նովոստիի հարցին։ 

Ավելի վաղ Մեդվեդևը նշել էր, որ Փաշինյանը կարող է «ցավոտ վայրէջք կատարել» ԵԱՏՄ-ի և Եվրամիության աթոռների միջև՝ մի կողմից փորձելով Երևանը «ներքաշել» ԵՄ, իսկ մյուս կողմից՝ ձգտելով պահպանել Եվրասիական տնտեսական միությանն անդամակցությունից ստացվող օգուտները։ 

«Ինչ-որ Նիկոլ Փաշինյան կուրս է վերցրել դեպի Ռուսաստանի հետ հարաբերությունների խզում, դա պետք է ուղղակիորեն խոստովանել։ Նրան շահավետ է թվում՝ տարաբնույթ քաղաքական հոսանքների արանքներով սպրդելով, արևմուտքում իր համար փուչ հեղինակություն վաստակել՝ ռիսկի ենթարկելով մեր երկրի հետ կապերը», - ասել է Մեդվեդևը։