Հայաստանին դիտարկում է ոչ թե որպես գործընկեր, այլ իրենից կախվածություն ունեցող երկիր. Թաթոյան

«Միասնության թևերի» վարչապետի թեկնածու Արման Թաթոյանը հայտարարել է, որ Ռուսաստանը Հայաստանին դիտարկում է ոչ թե որպես գործընկեր, այլ իրենից կախվածություն ունեցող երկիր։

Ըստ նրա ձևակերպման՝ հենց այդ պատճառով են բանեցվում ճնշումներ, ինչի հետևանքով էլ վնասներ են կրում հայաստանցի գյուղացիներն ու գործարարները։ Թաթոյանը նշել է. «Մենք պետք է ոչ թե նայենք, թե ով է Մոսկվայի, Բաքվի կամ ուրիշ մայրաքաղաքի նախընտրած թեկնածուն, այլ պետք է ընտրենք մերը ու մեր հարցերը կլուծվեն, երբ ունենանք Հայաստանի շահով շարժվող ղեկավար ու իշխանություն»։