Գարրի Կասպարովի նկատմամբ միջազգային հետախուզում է հայտարարվել

Մայիսի 23-ին հայտնի դարձավ, որ միջազգային հետախուզում է հայտարարվել շախմատիստ Գարրի Կասպարովի նկատմամբ, ով Ռուսաստանի Դաշնությունում ճանաչվել է օտարերկրյա գործակալ և ընդգրկվել ահաբեկիչների ու ծայրահեղականների ցուցակում։

ՏԱՍՍ-ի տրամադրության տակ գտնվող գործի նյութերի համաձայն՝ «Կասպարով Գ․ Կ․-ի դաշնային և միջպետական հետախուզում է հայտարարվել»։ Դեռևս փետրվար ամսին տեղեկություններ էին տարածվել այն մասին, որ Կասպարովին հեռակա կարգով մեղադրում են Ռուսաստանի Դաշնության Քրեական օրենսգրքի 330.1 հոդվածով սահմանված երկու իրավախախտման մեջ, որոնք վերաբերում են օտարերկրյա գործակալների մասին Ռուսաստանի Դաշնության օրենսդրությամբ նախատեսված պարտականությունների կատարումից խուսափելուն։