Ռուսաստանը չի կարող անտեսել Հայաստանի հայտարարությունները. Օվերչուկ

Ռուսաստանի Դաշնությունը չի կարող անտեսել Եվրամիությանը միանալու ցանկության վերաբերյալ Հայաստանի հայտարարությունները, քանի որ այդ կառույցը Մոսկվայի համար դարձել է թշնամական ռազմաքաղաքական դաշինք։ Այս մասին ԶԼՄ-ների ներկայացուցիչների հետ զրույցում նշել է ՌԴ փոխվարչապետ Ալեքսեյ Օվերչուկը։

«Իհարկե, մենք չենք կարող դա անուշադրության մատնել։ Հատկապես ներկա իրավիճակում, երբ Եվրամիությունը տնտեսական ինտեգրացիոն միավորումից փաստացի վերածվում է ռազմաքաղաքական միության, որը չի թաքցնում իր թշնամական վերաբերմունքը մեր երկրի նկատմամբ։ Մենք չենք կարող դա անուշադրության մատնել», - ասել է նա։