Ինչ են առգրավել Մարտուն Գրիգորյանի գրասենյակից

ԱԺ պատգամավոր Մարտուն Գրիգորյանի տանը, մեքենայում և գրասենյակում խուզարկություններն ավարտվել են․ գրասենյակից առգրավել են համակարգիչներ, թղթեր։ Այս մասի NEWS.am–ի հետ զրույցում ասել է Գրիգորյանի օգնականը՝ Լիզա Գասպարյանը։

Լիզա Գասպարյանը նշել է, որ Մարտուն Գրիգորյանն այս պահին գրասենյակում է, որտեղ սկսում են բնականոն աշխատանքը։

«Այս ամենը արվում է ոչ միայն Մարտուն Գրիգորյանի թիմակիցներին ահաբեկելու նպատակով, այլև փորձում են խոչընդոտել քարոզարշավը, որովհետև սոցիալական հարցումներն իրենց ձեռքի տակ է, շատ լավ ամբողջ տեղեկությանը տիրապետում են, գիտեն՝ ում վարկանիշը, ինչքանով է աճում»,–հավելել է նա։

Ավելի վաղ հայտնել էինք, որ առավոտյան ժամը 07:30-ի սահմաններում դիմակավորված անձինք ներխուժել են ԱԺ գյումրեցի պատգամավոր Մարտուն Գրիգորյանի տուն: