Դատական հայց Meta-ի դեմ՝ WhatsApp-ի գաղտնիությունը խախտելու համար

Տարբեր երկրներից մի խումբ հայցվորներ դատական հայց են ներկայացրել Meta Corporation-ի դեմ՝ պնդելով, որ ընկերությունը կեղծ տեղեկատվություն է տարածել WhatsApp հաղորդագրությունների հավելվածի գաղտնիության և անվտանգության վերաբերյալ: Այս մասին հայտնում է Bloomberg-ը:

ԱՄՆ Սան Ֆրանցիսկոյի շրջանային դատարան ներկայացված հայցում նշվում է, որ Meta-ի պնդումներն այն մասին, թե իր ծայրից ծայր կոդավորումը (end-to-end encryption) թույլ է տալիս միայն ուղարկողին և ստացողին մուտք գործել հաղորդակցություններին, կեղծ են։ Մեղադրող կողմը պնդում է, որ Meta-ն և WhatsApp-ը կարող են պահպանել, վերլուծել և մուտք գործել օգտատերերի ենթադրաբար գաղտնի գրեթե բոլոր հաղորդակցություններին։

Ավստրալիայից, Բրազիլիայից, Հնդկաստանից, Մեքսիկայից և Հարավային Աֆրիկայից հայցվորները պնդում են, որ ընկերությունը մոլորեցնում է WhatsApp-ի միլիարդավոր օգտատերերի ամբողջ աշխարհում։ Նրանց մեղադրանքները հիմնված են չբացահայտված մատնիչներից ստացված տեղեկատվության վրա։

Meta-ի ներկայացուցիչը Bloomberg-ին հայտնել է, որ դատական հայցն անհիմն է, և որ այն պնդումները, թե WhatsApp-ի հաղորդագրությունները կոդավորված չեն, ամբողջովին կեղծ և անհեթեթ են։