Հայաստանում վաճառված ադրբեջանական բենզինը համապատասխանել է ԵԱՏՄ տեխկանոնակարգին. Արմեն Կոտոլյան
Հայաստանյան բենզալցակայաններում վաճառված ադրբեջանական բենզինի խմբաքանակը ամբողջությամբ համապատասխանել է ԵԱՏՄ տեխնիկական կանոնակարգի պահանջներին։ Այս մասին հայտնել է ՀՀ շուկայի վերահսկողության տեսչական մարմնի ղեկավար Արմեն Կոտոլյանը։
Նրա խոսքով՝ որակական առումով որևէ խախտում չի արձանագրվել։
«Բենզալցակայաններում տեսչական մարմնի կողմից իրականացված ստուգումների ընթացքում մենք ընդհանրապես տեղեկացված չենք լինում, թե տվյալ լցակայանում բենզինը որ երկրից է ներմուծվել»,- նշել է Կոտոլյանը։
